Helbestê Min

Diçim

Dev Ji hêvîyên şahî diberdim

Dilê min, di nav evîna te ya tarî de ye

Rojên rehnî ji te re dihêlim. 

Xeyalên min di nav awirên te de winda ne

Ez di nav hêstiran de winda dibim

Îro ewir kewgirî ne

Mirin şerm dike ji xwe, 

Ez diçim…

(Arî Beravî)

Bête Bûn

Gava tu nebî,

hemû newa wateya xwe winda dikin,

bêdengîyeke kûr diherike,

Di kolanên vala yên di dilê min da.

Di nav hestên min yên rizî da,

pîçikên hêvîyê diefinikin,

Valahîyek û nedîyarîyek diveje,

Û hêdî hêdî winda dibim.

(Arî Beravî)

Wêneya Hîçîtiyê

Di her şevên tarî da rawestgeha fikrên tarî me

Di nav bêdengîya geremolî a cîhanê de

Bê welat im, bê hest im û bê xweda me.

Di perestina xûdayê hîçîtîyê de me

Kibleye min êşên min ê nedîyar in.

Di deryayê de ne dilopekim jî

Wek çivîkekê perşikestî me.

Tu ferqa min û darekê ziwa nîne

Tu ferqa min û mirovan nîne.

Wek peleke ber bi bayê ketî me

Ne cihê ku hatîm eşkere ye

 ne jî cihê ku herim.

Wek masîyekê kêmê ketî me

Najîm lê di nav jîyanekê da dadiweşim..!

(Arî Beravî)

Min bipêç e

Min bipêç e,

Bi mijangên xwe,

Bi zulfê tarî,

Bi bişirandina xwe,

Min bipêç e,

Bila ez nemînim,

Bila ser singa te

Jiyana min dawÎ bibe…

(Arî Beravî)